Hᐊᒻᒪᓚᒃᑯᓐᓂ ᒪᓕᒐᕐᓂᒃ ᐊᑐᖅᑎᑦᑎᔨ
ᐱᕕᔅᓴᐅᔪᖅ ᓇᓗᓇᐃᔭᕐᓯᒪᓂᖓ
ᕼᐋᒻᓚᒃᑯᓐᓂ ᒪᓕᒐᕐᓂᒃ ᐊᑐᓕᖅᑎᑦᑎᔨ ᐱᒻᒪᕆᐊᓗᒻᒥᒃ ᐃᖅᑲᓇᐃᔮᖃᖅᑐᖅ ᓴᖅᑭᔮᖅᑎᑦᑎᓇᓱᐊᖅᑐᓂ ᑭᒃᑯᑐᐃᓐᓇᕐᓂ ᐊᑦᑕᓇᔾᔭᐃᕐᓯᓯᒪᓂᕐᒥᒃ, ᒪᓕᒐᕐᓂ ᒪᓕᑦᑕᐅᔭᕆᐊᓕᓐᓂ ᐊᑐᖅᑎᑦᑎᓇᓱᑉᐸᑦᑐᖅ, ᓄᓇᓕᓐᓂ ᖃᓄᐃᖏᑦᑎᐊᕐᑎᑦᑎᓇᓱᑦᑐᓂ ᐊᑐᖅᑕᐅᔭᕆᐊᓕᓐᓂ Hᐊᒻᒪᓚᒃᑯᑦ ᒪᓕᒐᕋᓛᖏᓐᓂ ᐊᒻᒪᓗ ᓂᕈᐊᖅᑕᐅᓯᒪᔪᓂᒃ ᓄᓇᕗᒻᒥ ᒪᓕᒐᖅᑎᒍᑦ. ᐅᖃᕐᕕᖃᖅᐸᑦᑐᖅ ᕼᐋᒻᒪᓚᑦᑯᑦ ᐊᑐᓕᖅᑎᑦᑎᔨᒧᑦ ᐊᖏᔪᖅᑳᖓᓄᑦ, ᐅᓇ ᐃᖅᑲᓇᐃᔮᖅ ᖃᐅᔨᓴᖅᑕᐅᔭᕆᐊᓕᓐᓂ ᖃᐅᔨᓴᖅᐸᑦᑐᖅ, ᕿᒥᕐᕈᕙᑦᑐᖅ ᐊᑲᕐᓴᖏᔾᔪᑕᐅᔪᓂᒃ, ᐃᑲᔪᖅᓱᐃᕙᑦᑐᖅ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᖅᑎᑦᑎᓂᕐᒥᒃ ᐱᒋᐊᖅᑎᑕᐅᓯᒪᔪᓂᒃ, ᐊᒻᒪᓗ ᑭᒡᒐᖅᑐᐃᕙᑦᑐᖅ ᕼᐋᒻᒪᓚᒋᔭᐅᔪᒥᒃ ᒪᓕᒐᓕᕆᓂᕐᒨᖓᔪᓂᒃ ᑕᐃᒪᐃᒋᐊᖃᖅᐸᑦ. ᓂᕈᐊᖅᑕᐅᔪᖅ ᐃᖅᑲᓇᐃᔭᖃᑎᖃᕐᓂᐊᖅᑐᖅ ᓄᓇᓕᒻᒥᐅᓂᒃ, ᓇᒻᒥᓂᕆᔭᐅᔪᓂᒃ, Hᐊᒻᒪᓚᐃᑦ ᐊᓪᓚᕝᕕᖏᓐᓂ, ᐊᒻᒪ ᐊᑐᓕᖅᑎᑦᑎᓇᓱᑉᐸᓪᓗᓂ ᐱᓕᕆᖃᑎᒋᔭᖏᓐᓂ ᐊᑦᑕᓇᖏᑐᒃᑯᑦ, ᐃᑉᐱᒍᓱᑦᑎᐊᕐᓗᓂ, ᐊᒻᒪ ᖃᐅᔨᒃᑲᐃᑦᑎᐊᖃᑦᑕᕐᓗᓂᓗ ᓄᓇᓕᓐᓂ.
ᐊᑭᓕᖅᑕᐅᔾᔪᑎᓄᑦ ᖃᓄᐃᓕᖓᓂ
ᑲᒪᒋᔭᒃᓴᓪᓗᐊᖅᑕᐃᑦ
ᑲᒪᒋᔭᖃᕐᓗᓂ ᑭᒃᑯᑐᐃᓐᓇᕐᓄᑦ ᐊᑦᑕᓇᔾᔭᐃᕐᓯᓯᒪᓂᕐᒧᑦ ᐱᓕᕆᐊᓂᒃ, ᐱᖃᓯᐅᑎᓪᓗᒋᑦ ᐃᖏᕐᕋᓂᐅᔪᓂᒃ ᐊᐅᓚᑦᑎᓂᕐᒥᒃ, ᖃᖓᑕᓲᒃᑯᑦ ᖃᐅᔨᓴᕐᓂᐅᔪᓂᒃ, ᐅᔾᔨᖅᓱᑦᑎᑦᑎᓇᓱᐊᕐᓗᓂ, ᐊᒻᒪᓗ ᐊᑭᓖᕐᓲᑎᓂᒃ ᑐᓂᐅᖅᑲᐃᓗᓂ.
ᐱᓕᕆᖃᑎᖃᖅᐸᓪᓗᓂ ᐸᓖᓯᒃᑯᓐᓂ, Hᐊᒻᒪᓚᐃᑦ ᐊᓪᓚᕝᕕᖏᓐᓂ, ᓇᒻᒥᓂᕆᔭᐅᔪᓂᒃ, ᐊᒻᒪ ᓄᓇᓕᒻᒥᐅᓂᒃ ᐃᑲᔪᖅᑐᐃᓗᓂ ᐊᑐᓕᖅᑎᑦᑎᓇᓱᓐᓂᕐᒥᒃ ᐊᒻᒪ ᑭᒃᑯᑐᐃᓐᓇᕐᓂᒃ ᐊᑦᑕᓇᔾᔭᐃᕐᓯᓯᒪᓂᕐᒧᑦ ᐊᑐᒐᔅᓴᕆᔭᐅᔪᓂᒃ.
ᐱᓕᕆᒍᓐᓇᐅᑏᑦ
ᐊᕐᕌᒍᓂᑦ ᐊᑕᐅᓯᕐᒥᑦ ᐱᖓᓱᓄᑦ ᐃᖅᑲᓇᐃᔭᖅᓯᒪᓗᓂ ᒪᓕᒐᕋᓛᓕᕆᔨᐅᓂᕐᒧᑦ, ᐊᑐᓕᖅᑎᑦᑎᔨᐅᓂᕐᒧᑦ, ᐸᓖᓯᐅᓂᕐᒧᑦ, ᐅᕝᕙᓘᓐᓃᑦ ᐊᔾᔨᐸᓗᖓᓂᓪᓘᓐᓃᑦ ᒪᓕᒐᕐᓂᑦ ᐊᑐᓕᖅᑎᑦᑎᔨᐅᓂᕐᒧᑦ.
ᑐᑭᓯᐅᒪᓂᖃᑦᑎᐊᕐᓗᓂ ᒪᓕᒐᕐᓂᒃ, ᖃᐅᔨᓴᐃᓂᕐᒥᒃ, ᖃᐅᔨᓴᖅᓯᓂᕐᒥᒃ, ᑲᑎᖅᓱᐃᓂᕐᒥᒃ ᖃᐅᔨᔾᔪᑕᐅᔪᓐᓇᖅᑐᓂᒃ, ᐅᓂᒃᑳᓕᐅᕐᓂᕐᒥᒃ, ᐃᖅᑲᖅᑐᐃᕕᒻᒥᓗ ᐱᓕᕆᐊᖑᔪᓂᒃ.
ᑐᓴᐅᒪᖃᑎᒌᒍᓐᓇᑦᑎᐊᕐᓗᓂ, ᐃᓄᖃᑎᖃᕈᓐᓇᑦᑎᐊᕐᓗᓂ, ᐃᓱᒪᓕᐅᕈᓐᓇᕐᓗᓂ, ᐊᑲᐅᙱᓕᐅᕈᑕᐅᔪᓂᒃ ᖃᓄᖅᑑᕈᓐᓇᕐᓗᓂ, ᐊᒻᒪᓗ ᐊᑲᐅᙱᓕᐅᕈᑎᓂᒃ ᐋᖅᑭᔅᓯᔪᓐᓇᕐᓗᓂ ᓂᐅᕕᖅᐸᑦᑐᓂᒃ ᐱᔨᑦᑎᕋᕈᓐᓇᓂᕐᒥᒃ ᐃᓱᒪᖃᕐᓗᓂ.
ᐆᑦᑐᕋᓱᐊᕆᑦ ᐅᓪᓗᒥ
ᐅᓇ ᐃᖅᑲᓇᐃᔮᖅ ᐱᕕᖃᖅᑎᑦᑎᔪᖅ ᐊᓯᔾᔩᔪᓐᓇᕐᓂᕐᒥᑦ ᐱᔨᑦᑎᕋᕐᓂᒃᑯᑦ ᑭᒃᑯᑐᐃᓐᓇᕐᓂᑦ, ᐃᓚᐅᖃᑕᐅᓂᕐᒥᑦ ᓄᓇᓕᓐᓂᑦ, ᒪᓕᒐᕐᓂ ᒪᓕᑦᑕᐅᔭᕆᐊᓕᓐᓂ ᐊᑐᖅᑎᑦᑎᓇᓱᑉᐸᓪᓗᓂ, ᐊᒻᒪ ᑭᒃᑯᑐᐃᓐᓇᕐᓂᒃ ᐊᑦᑕᓇᔾᔭᐃᕐᓯᓯᒪᓗᓂ. ᓂᕈᐊᖅᑕᐅᔪᖅ ᖁᕕᐊᒋᔭᖃᕐᓂᐊᖅᑐᑦ ᐊᔾᔨᒌᙱᑦᑐᓂᒃ ᐊᒻᒪᓗ ᐆᒻᒪᕆᑦᑐᓂᒃ ᐃᖅᑲᓇᐃᔭᕐᕕᐅᔪᓂᒃ ᐱᖃᓯᐅᔾᔨᔪᓂᒃ ᓄᓇᒥ ᖃᐅᔨᓴᕐᓂᐅᔪᓂᒃ, ᓄᓇᓕᓐᓂ ᑐᓴᐅᒪᑎᑦᑎᓂᕐᒥᒃ, ᐃᖏᕐᕋᔪᓕᕆᓂᕐᒧᑦ ᒪᓕᒐᕐᓂᒃ ᐊᑐᓕᖅᑎᑦᑎᓂᕐᒥᒃ, ᐃᖅᑲᖅᑐᐃᕕᒻᒥ ᑭᒡᒐᖅᑐᐃᕙᓪᓗᓂ, ᐊᒻᒪᓗ ᐱᓕᕆᖃᑎᖃᕐᓗᓂ Hᐊᒻᒪᓚᓂ ᐊᒻᒪᓗ ᐸᓖᓯᒃᑯᓐᓂᑦ ᐱᓕᕆᖃᑎᒋᔭᒥᓂᒃ.
ᒪᓕᓪᓗᒍ ᐊᑐᐊᒐᖅ 23 ᓄᓇᕗᑖᕐᓂᕐᒧᑦ ᐊᖏᕈᑎᓄᑦ, ᓯᕗᓪᓕᐅᑎᑕᐅᓂᐊᖅᑐᑦ ᓄᓇᕗᑖᖅᓯᒪᔪᓄᑦ ᐱᔪᓐᓇᐅᑎᖃᖅᑐᓄᑦ
